Kennel Nilsgarden: Dag 28

Sidan sist har det vore meir fint vèr, ei lita veke med regn og no siste veka har det vore ein enda finare og varmare sommar.

Dei som har greie på det snakkar om rekordvarm sommar.

Det som er sikkert at det å ha kvalpar er absolutt kjekt i slikt finevèr! Dei elskar å vere ute. Vi startar som regel dagen med mat på altanen og hærjing. Etter ei stund ligg kvalpane rett ut og søv.

Dei har no vorte litt over 5 veker.

Aktivitetsnivå og meistringsnivå aukar kvar dag.

Sidan sist har dei tatt til å logre skikkeleg med halen.

Dei er så sjarmerande når dei kjem springande med

ein hale som lograr febrilsk.

Det er som dei seier: "Sjå på meg, sjå på meg".

Akkurat som mora!

Dei får springe litt fritt når vi er i Nilsgarden.

Dei elskar høgt gras med mange fine gøymestadar.

Dei har leika i mold, (heldigvis er den veldig tørr) og grus.

Elles har dei eit hundegjerde plassert i skuggen ved lødebrua.

Vi har øvd litt på å gå i band, men det er ikkje lett å øve med 5 i band samtidig når dei går kvar sin veg. Det er lettare to og to, men fortsatt forvirrande for dei vil no helst springe dit dei vil.

Små bein blir også fort trøytte så det er ikkje lange ykta med øving.

Vi har også oppdaga at dei er lurt å ha kjetting nedst på kobbelet, for kvalpetenner er skarpe og det er fort gjort å gnage av bandet....

Dei tek til å bli ganske flink til å kome når vi seier kom!

Kvalpane er merka slik:

Amaro er lett å kjenne att med svart pels med grå flekkar, Aiko har kun halsband og Alito har kvit (grå) sløyfe i halsbandet sitt. Angeletta har rosa sløyfe i halsbandet sitt og Aida har lilla halsband.

13.juli

Alle er nybada!